Нова студија открива кои особини младите најмногу ги ценат кај партнерите
Резултатите изненадуваат
Честопати имаме нереални очекувања од нашите партнери, сакајќи да нѐ исполнат на многу начини. Но, постои еден квалитет што се издвојува пред сè при изборот на партнер за живот, а тоа е љубезност. Ова беше откриено со новата студија спроведена врз студенти од шест земји низ целиот свет.
Истражувањето спроведено од научници од Британскиот универзитет во Свонси на повеќе од 2.700 млади луѓе е нешто изненадувачки, пред сѐ заради перцепцијата дека денешната младост е многу повеќе површна во своите љубовни избори од претходните генерации.
Љубезноста е многу поважна кај младите отколку изгледот и парите.
Изгледот е поважен за мажите отколку за жените, а финансиите за жените.
Според резултатите од студијата, ова се најважните особини што ги бараат кај животните партнери, рангирани според приоритетите што испитаниците ги имаат:
- Љубезност – за 25 проценти од мажите и 24 проценти од жените
- Физичка привлечност – 23 проценти мажи и 17 проценти жени
- Потенцијал за добри финансии – 12 проценти мажи и 18 проценти жени
- Духовитост – 15 проценти од мажите и 14 проценти од жените
- Желбата за деца – 7 проценти од мажите и 9 проценти од жените
- Креативност – 8 проценти од мажите и 6 проценти од жените
- Религиозност – 5 проценти од мажите и 7 проценти од жените.
Една интересна културна разлика што произлезе од студијата е дека хуморот не се покажа како еднакво важен за сите – имено, западните луѓе го ценат многу повеќе кај своите партнери отколку од источните. За жените на Запад, од друга страна, прашањето за децата во иднина е помалку важно отколку за жените на Истокот.
Прочитајте и: За кои работи најчесто се расправаат паровите?
ФОТО: Pexels