Рататули приготвено на наш начин!
Состојки:
- 1 модар патлиџан
- 1 тиквичка
- 2 средни домати
- 1 главица виолетов кромид
- маслиново масло
- сол
За сосот:
- 500 г зрели домати
- 30 мл маслиново масло
- 2 чешниња лук
- малку босилек
- сол
Приготвување:
1. Прво се приготвува сосот. Доматите се сечкаат на коцки, лукот се чисти и се пасира, па сето тоа заедно се соединува во тенџере. Се додаваат маслиновото масло, босилекот и малку сол по вкус, па се вари на умерена температура десетина минути откако ќе зоврие. Потоа сосот се миксира.
2. Модриот патлиџан, тиквичката и доматите се мијат, па заедно со кората се сечкаат на крукчиња со ширина од 5 мм. Виолетовиот кромид се чисти, па и тој се сечка на крукчиња со иста дебелина.
3. Во огноотпорен сад се става сосот, па преку него наизменично се редат крукчињата од патлиџанот, тиквичката, доматот и кромидот, така што на краевите ќе се преклопуваат.
4. Зеленчукот се прска со маслиново масло и се посолува. Се пече во загреана рерна на 200°Ц, околу 40 минути, додека омекне.
Извор: Добра храна