Денес почнува големиот божиќен пост: Кои правила задолжително треба да ги почитувате и какво треба да биде вашето мени?

Божиќниот пост, со кој верниците на православната црква се подготвуваат за празнувањето на раѓањето на Исус Христос, почнува денес, во понеделник на 28 ноември 2022 година, а завршува на Бадник, во петок на 6 јануари 2023 година. Се верува дека божиќниот пост бил воведен во 4. век, а целосното траење од 40 дена го добил во 12. век.

Постот не подразбира еднолична диета или гладување, туку урамнотежена исхрана со намирници од растително потекло. За време на целиот божиќен пост не се јаде месо, млечни производи и јајца.

Маслото и виното се дозволени сите денови освен среда и петок, кои се постат „на вода“. Риба се јаде секоја сабота и недела.

Последната недела од божиќниот пост се пости построго, без консумирање риба и по можност „на вода“. На Бадник не се консумира ни масло ни вино, туку задолжително се пости на вода.

Не треба да се заборава дека црквата истакнува дека за време на постот не треба да го умртвуваме своето тело, туку своите страсти. Постот не значи само да се воздржуваме од масна храна, туку пред сè и од лоши мисли, желби и дела.

Постот е многу важен за духовниот и телесниот живот, тоа е период кога во сè се пронаоѓа мерка и е првиот чекор на патот кон спасението. Без духовен пост, свештениците тврдат дека Бог не прифаќа само телесен пост. Постот, пред сè, има духовна смисла и тој е органски поврзан со целокупниот духовен живот.

Божиќ, како и секоја година, православните верници ќе го обележат на 7 јануари 2023 година.

9 производи што треба да ги јадете за време на постот: Имунитетот ќе ви биде најдобар досега!