Овенот е на седмо небо, а Бикот останува разумен: Како се вљубуваат хороскопските знаци?

Секој хороскопски знак поинаку ја доживува вљубеноста и на различни начини се обидува да ја освои саканата личност.

Овен

Кога ќе се вљубат, луѓето родени во овој знак не ги кријат емоциите и подготвени се на сè за да ја освојат саканата личност. Овој знак размислува со срце и несебично дава љубов. Вљубените Овни целосно им се препуштаат на емоциите, па постојано мислат на саканите и се чувствуваат како на седмо небо.

Бик

Биковите се многу разумни по ова прашање. Тие нема да ја изгубат главата од заљубеност, туку внимателно ќе размислат како да ја импресионираат саканата личност. Не ги искажуваат своите емоции така лесно, но кога ќе почнат да освојуваат, даваат сè од себе за да ја придобијат саканата личност. Дури и кога станува збор за љубовта настапуваат хедонистички, па затоа освојуваат со вкусна вечера, одбрана храна и пијалаци.

Близнаци

Кога ќе се вљубат Близнаците, сакаат да го споделат тоа со целиот свет, а не би можеле да го скријат тоа и да сакаат, бидејќи постојано има насмевка на нивното лице, образите им се румени, а очите им сјаат. Понекогаш ги плашат потенцијалните партнери со своите искрени и нескриени чувства, но на Близнаците многу им значи отвореноста и така сакаат и да ја градат врската.

Рак

Иако е еден од најчувствителните знаци, Ракот не ги покажува своите емоции толку лесно. Дури кога навистина ќе се вљуби, сака да гради сериозна врска и тогаш целосно се отвора и сака безгранично. Припадниците на овој знак одбегнуваат да ги покажуваат своите емоции во јавност, но нивниот израз на лицето ја открива нивната моментална вљубеност.

Лав

Кога ќе се вљубат, Лавовите се обидуваат што е можно повеќе да го подобрат својот изглед, став и начин на облекување за да ѝ се допаднат на саканата личност. Меѓутоа, Лавовите не се плашат отворено да ги покажат емоциите, па дури и сакаат да изјавуваат љубов во јавност, пред публика. Ако не им успее од првпат да ги импресионираат, тоа нема да биде погубно за нив, бидејќи Лавовите не се откажуваат додека не го добијат она што го сакаат.

Девица

На припадниците на овој знак им годи вљубеноста за да побегнат малку од обврските и рутината. Девиците се многу срамежливи и тешко ги покажуваат своите емоции. Меѓутоа, кога ќе се вљубат, Девиците имаат многу живописна и романтична фантазија и веднаш почнуваат да ја планираат иднината со саканите. Девиците никогаш не флертуваат отворено, туку користат детали и суптилни знаци.

Терезија

Кога ќе се вљубат, Терезиите го планираат секој збор и движење при комуникацијата со саканата личност и постојано се плашат да не згрешат нешто. Терезиите може целосно да ја изгубат главата кога ќе се вљубат. Тие одат до тој степен што понекогаш целосно го прилагодуваат својот живот на саканата личност. Нивниот најголем страв е осаменоста.

Скорпија

Кога ќе се вљубат, Скорпиите почнуваат да си поставуваат прашања каде била таа личност досега и зошто им се случува ова токму сега. Луѓето родени во овој знак многу сериозно ја сфаќаат вљубеноста и секогаш се искрени кога станува збор за емоциите. Скорпиите сакаат да доминираат во љубовта, а со оглед на тоа што се многу страсни, не им е проблем да ја освојат личноста што им се допаѓа.

Стрелец

Стрелците изјавуваат љубов на многу оригинален и духовит начин, па лесно им е да ја освојат личноста во која се вљубени. Тие знаат да ја импресионираат саканата личност, ѝ приредуваат незаборавни моменти и целосно ја оставаат без здив. Меѓутоа, лоша особина на Стрелците е нивната голема љубомора без потреба и повод.

Јарец

Јарецот на прв поглед делува ладно и недостапно, но кога ќе се вљуби, подготвен е да направи сè за саканата личност. Иако се скриени, емоциите на овој знак може да бидат многу силни и искрени. Кога многу ќе се вљубат, Јарците целосно ѝ се препуштаат на љубовта, па дури и лошите навики на саканата личност им се чинат атрактивни. Поради големата посветеност на работата, Јарците им се препуштаат на емоциите во позрелата доба од животот.

Водолија

Кога ќе се вљуби, Водолијата не го крие тоа, па дури и го споделува со пријателите и семејството. Луѓето родени во овој знак уживаат да освојуваат на духовит и необичен начин. Иако се отворени, Водолиите нема да ги покажат сите свои емоции додека не дознаат што другата личност мисли за нив.

Риби

Рибите ги доживуваат своите емоции и вљубеност на најинтензивен начин. Тие од својата љубов може да ја направат најромантичната приказна, со многу детали кои другите најчесто не ги разбираат. Склони се и кон платонски љубови и ги преживуваат сите вљубени фази во својот свет на фантазијата.