Колку часови дружење ни се потребни за да станеме најдобри пријатели?

Како дете, за да стекнете пријател „за цел живот“, доволно беше да се спуштите заедно по лизгалката пет пати или да споделите чоколада. Како што стареете, сфаќате дека станува сè потешко да стекнете лојални пријатели. Но, според новото американско истражување, рецептот за силно пријателство доаѓа од само една состојка – времето што го поминувате заедно.

Во научната работа на д-р Џефри Хол, објавена во „Журнал за социјални и лични врски“, научникот тестирал повеќе од педесет возрасни мажи и жени. За време на експериментот, стана јасно: сè е поврзано со интимноста што се случува во многу специфичен временски период.

Значи, резултатите од тестот покажаа: лицето станува ваш „добар познаник“ по околу 40-60 часа заедно, а статусот „пријател“ ги заслужува оние со кои сте поминале од 80 до 100 часа. „Најдобар пријател“ бара многу потемелна проверка – 200 часа или повеќе!

Имајте на ум дека времето што го поминувате секој ден, на пример, во канцеларија со колеги, не се смета! Ова се врски во кои не се чувствувате „на работа“. За блискост, вредни се само часови „по своја слободна волја“, кога едноставно уживате во друштво – било да е тоа безопасно озборување, одење на Пилатес или премиера на втората сезона од вашата омилена серија на Нетфликс.

Прочитајте и: 3 работи што ги идентификуваат емоционално силните и стабилни луѓе

ФОТО: Getty Images