Ксенија Кнежевиќ го промени животот поради здравствени проблеми: „Имам нов начин на живот“

Ксенија Кнежевиќ, ќерката на Ненад Кнежевиќ Кнез, се здоби со популарност како членка на групата „Hurricane“, по што ја продолжи својата соло кариера.

Иако е исклучително убава и секој мускул и е оцртан на телото, пејачката не крие дека е на посебен режим на исхрана, кој го вовела и за да изгледа подобро и поради сериозните проблеми со тироидната жлезда со кои морала да се справи.

„Изгубив околу 10 килограми. На диета сум и поради тироидната жлезда, но ми се допаѓа. Имам нов начин на исхрана, нов начин на живот, јадам салата“ – низ смеа рекла Ксенија и додала:

„Здосадува да, но убаво е кога ќе го видите напредокот и себеси во огледало, кога луѓето ќе ви кажат. Навистина е пријатно, се чувствувате подобро, сакате да одите на настап и да снимате видео. Претпоставувам дека сето тоа ме инспирираше, колку и да звучи погрешно. Ние сме жени, веќе знаете како е во оваа работа“ – заклучи Ксенија.

Да потсетиме, пејачката ги изненади сите кога пред неколку месеци откри дека се соочува со низа сериозни здравствени проблеми.

„Оваа работа е стресна и добив психофизички проблеми. Имам проблеми со хормоните, тироидната жлезда, јајниците и отпорноста на инсулин. Кога не знаете да кажете „не“, вашето тело го прави тоа наместо вас. Им препорачувам на младите да не дозволат да бидат манипулирани и јасно и гласно да го зборуваат она што го мислат“ – изјави неодамна Ксенија.