Јаболка: Импресивни здравствени придобивки од ова есенско овошје

Една англиска поговорка вели: Едно јаболко дневно го држи лекарот подалеку („An apple a day keeps the doctor away“). Тоа е најпопуларното овошје во светот и со причина. Имено, јаболкото има многу здравствени придобивки, а некои од нив, оние кои најмногу нè импресионираа, се наведени подолу.

Јаболка – здравствени придобивки

Јаболките се богати со корисни хранливи материи. Едно јаболко содржи калциум, витамин Ц, влакна, манган, бакар и витамини А, Е, Б1, Б2 и Б6. Покрај тоа, јаболката содржи полифеноли, кои го зајакнуваат нашиот имунитет.

Идеална храна за слабеење

Благодарение на високата концентрација на вода и влакна, јаболката поттикнуваат слабеење. Го подобруваат варењето, го забрзуваат метаболизмот и благодарение на малиот број калории, тие се добра закуска за луѓето кои сакаат да изгубат вишок килограми (под услов да немате проблем со осцилациите на шеќерот во крвта). Покрај тоа, јаболкото го намалува нивото на лош холестерол.

Поздраво срце

Некои истражувања покажаа дека јаболката, благодарение на антиоксидансите полифеноли, го намалуваат крвниот притисок. Затоа, ова овошје го намалува ризикот од срцев удар за 20%. Импресивно, нели?

Помал ризик од дијабетес

Едно големо истражување покажа дека луѓето кои јадат по едно јаболко дневно го намалуваат ризикот од дијабетес за 28%. Веќе споменатите полифеноли се најверојатно одговорни за тоа.

Добро здравје на цревата

Благодарение на пектинот, јаболкото делува како пребиотик. Покрај тоа, содржи влакна, и е идеална храна за поздрав дигестивен систем.

Борба против ракот

Некои студии откриле дека жените кои консумираат едно јаболко дневно го намалуваат ризикот од рак.

Полесно е да се дише

Кората од јаболко содржи флавоноиди кои го регулираат имунолошкиот систем, го намалуваат воспалението во телото и можат да помогнат во намалување на симптомите на астма.

Прочитајте и: 20 дена јадела тиква: Еве како си го подобрила здравјето!

 

ФОТО: Pixabay