Вегански рецепт: Крем супа од карфиол полна со протеини и хранливи материи!

Крем супата може да биде здрав оброк, особено кога користите карфиол, што создава убава, густа, кремаста текстура. Клучните состојки за вкусна веганска супа покрај карфиол се индиските ореви. Супата е многу лесна за подготовка, можете да ја подготвите во поголеми количини и потоа да ја јадете во текот на неделата.

Состојки (за 4 лица):

3/4 шолја индиски ореви
3 чаши супа од зеленчук
1 лажица маслиново масло + дополнително за декорација
1 кромид – сецкан
3 чешниња лук – сецкани
1 главица карфиол – исечкана
200 грама грав
2 лажици свежи листови мајчина душица
1 лажица свежо оригано
1+1/4 лажичка сол
1/2 лажичка свежо мелен црн пипер + дополнително за украсување

Подготовка:

1. Истурете 1/2 чаша индиски ореви во сад со вода и ставете ги во микробранова печка. Покријте ги и варете ги 3 минути. После тоа време почекајте да се изладат. Ставете ги во блендер, додадете 1/2 шолја супа и мешајте додека не добиете хомогена смеса.

2. Ставете го маслото во голем сад. Додадете сечкан кромид и лук и пржете две до три минути додека не омекнат. Додадете го карфиолот и гответе околу 5 минути.

3. Се додаваат гравот, ориганото, солта, биберот и преостанатата супа од зеленчук. Гответе 10 минути.

4. Овој пат преостанатите индиски ореви печете ги во рерна. Печете околу 6 минути додека не добијат убава златно-кафеава боја, а потоа исечкајте ги.

5. Супата од карфиол ставете ја во блендер и измешајте со смесата со индиски ореви и блендирајте додека не добиете мазен крем.

6. Послужете со пржени ореви, малку масло и бибер.