Превкусна, неодолива!
Состојки:
За корите:
- 12 белки
- 12 лажици шеќер
- 4 лажици брашно
- 300 г мелени ореви
За првиот фил:
- 120 г шеќер
- 50 г путер или маргарин
За вториот фил:
- 120 г чоколадо
- 120 г путер или маргарин
За третиот фил:
- 12 жолчки
- 8 лажици шеќер
- 1 дл млеко
- 2 кесички ванилин шеќер
- 250 г путер или маргарин
Приготвување:
Кори: Белките и шеќерот изматете ги во цврст снег, па додајте брашно и мелени ореви, полека мешајќи со лажица. Од смесата испечете 1 кора во голема тепсија од рерна, на 180 степени, 20-25 минути. Оладете ја печената кора и поделете ја на 3 еднакви дела.
Првиот фил: Шеќерот ставете го во тенџере на тивок оган да се стопи и кога ќе добие кафена боја, додајте путер во него и мешајте додека добиете мазна карамел смеса. Со таа врела смеса тенко премачкајте ги корите.
Вториот фил: Од чоколадото и путерот направете глазура и кога глазурата ќе се олади малку, премачакјте ја на сите три кори врз карамелата и оставете го чоколадото да се зацврсти.
Третиот фил: На пареа сварете жолчка, шеќер и млеко додека се згуснат. Во оладената смеса додајте изматен путер и сето тоа добро изматете го заедно. Со филот премачкајте ги сите три приготвени кори.
Украсете ја тортата со стопено чоколадо. Добар апетит!