МАРКО НОВЕСКИ: „Кога би бил жена на еден ден, би отишол да видам како е да уживаш 20 часа во шопинг“
Марко Новески за жените
Познатиот водител секогаш остава печат со својата позитивна енергија и оригинална смисла за хумор, а какви жени го привлекуваат неговото внимание, дознајте од нашиот разговор во продолжение…
Марко Новески е еден од нашите најпрепознатливи ТВ-водители, кој успева да измами насмевка на сечие лице благодарение на својата природна ведрина и непосредност. Иако долго време важеше за „заколнат ерген“, веќе неколку години е во хармоничен брак со својата избраничка Цена Плавевска, па нè интересираше какви дами го инспирираат омиленото лице од телевизиските екрани и каков е неговиот став за улогата на жената во општеството.
Која жена особено те инспирирала и влијаела врз твојот личен развој?
Отсекогаш ме воодушевувале жените околу мене, како мајка ми, жена ми, сестрами и уште неколку други жени кои влијаејана мене и кои мораа да ме трпат низ годините. Сепак, би ја издвоил баба ми Милка, која изврши огромно влијание врз мене преку нејзиниот пристап кон сите предизвици што ѝ ги наметна животот. Жена со борбен и ведар дух,без страв од нешто.
Најискрено, кој има подобра смисла за хумор: мажите или жените?
Ова е опасно да се одговори, па затоа ќе одговорам со ДА!
За жал, сè уште постои стереотипна поделба на машки и женски обврски во домот. Како функционирате ти и сопругата во тој поглед?
Поврзани објави
Аааааа не, кај нас нема простор за стереотипи, зашто, ниту јас,ниту жена ми сме такви луѓе. Во недела чистиме и двајцата, бидејќи се прави генералка, а другите денови чисти тој што е послободен. Но во секој случај, кога едниот ќе фати да работи нешто низ дома, нема шанси другиот да не стане да му помогне.
Мажи наспроти жени: навистина ли сме толку различни?
Ако ги тргнеме физичките карактеристики на страна, сèпоуверен сум дека нема некои големи разлики. Би рекол дека различни нè прават нашите карактери, кои ги градиме со текот на годините, без разлика на полот.
Кога би можел да бидеш жена на еден ден, што прво би направил?
Би отишол да видам како е да уживаш 20 часа во шопинг ,поконкретно, додека шеташ низ продавниците, зашто сега можам да издржам само половина час.
Разговарала: Марија Лукаревска
ФОТО: ПРИВАТНА АРХИВА
Коментарите се заклучени.