Не издржале долго: Бремената принцеза Јуџин и нејзиниот сопруг се иселиле од поранешната резиденција на принц Хари и Меган?
Само еден месец по вселувањето
Внуката на кралица Елизабета изгледа не сака да живее повеќе во некогашниот дом на војводата и војвотката од Сасекс
Бремената принцеза Јуџин, внуката на британската кралица Елизабета, со својот сопруг Џек Бруксбенк ја напуштиле поранешната британска резиденција на принц Хари и Меган Маркл само шест недели откако се вселиле.
Парот се вратил во својот поранешен дом во Кенсинготнската палата. Претставник за односи со јавност на Сасекс потврдил дека принцезата и Џек се иселиле.
Фрогмор Котиџ е резиденција во Виндзор што принц Хари и Меган Маркл ја добиле од кралицата како свадбен подарок, а за реновирањето на куќата со пет соби потрошиле околу 2.3 милиони фунти преку даночни обврзници.
Војводата и војвотката од Сасекс својот долг на даночни обврзници го исплатиле на почетокот на септември, а ги обновиле сите електрични инсталации, почнувајќи од греењето до преуредување на бањата и правење соба за јога.
И покрај тоа што се откажале од кралските должности и започнале самостоен живот во Канада, оваа резиденција и понатаму се води како нивен имот.
Принцезата Јуџин и нејзиниот сопруг склопиле приватен договор со војводата од Сасекс и на почетокот на ноември официјално се преселиле во Фрогморе.
Имотот изгледал како идеално место за семејство што чека принова. Принцезата и Џек ќе станат родители кон крајот на пролетта 2021 година.
„Фрогмор е приспособен на вкусот на Меган и Хари, имајќи го на ум и нивниот син Арчи, така што тоа е совршено место за пар што ќе има дете“, открил еден извор.
Во близина на имотот живеат родителите на принцезата Јуџин, принц Ендру и Сара Фергусон, како и кралицата Елизабета и принц Филип, кои живеат во дворецот Виндзор.