Само една кралица може да облече барби розова боја и да изгледа беспрекорно: Овој крој на фустан ѝ стои на секоја жена!
Како ви се допаѓа?
Шпанската кралица Летиција важи за олицетворение на добриот стил и верна им е на едноставните, одмерени комбинации, но од друга страна, таа е една од ретките жени во кралските семејства што ги поместува границите на стилот и се осмелува да облече парчиња што други дами не би ги одбрале
Убавата бринета неодамна, со сопругот Фелипе, присуствувала на доделување награди во областа на убавите уметности во градот Памплон, а сосема очекувано, сите очи биле вперени во нејзиното елегантно, префинето издание.
Летиција одбрала фустан со женствен А-крој и миди-должина, а оваа креација ја потпишува брендот Moises Nieto и цената ѝ е околу 350 евра. На прв поглед станува збор за сосема едноставен, секојдневен модел, но она што го направило овој избор посебен е впечатливата боја.
Имено, славната Шпанка се одлучила за интензивна розова боја, која е голем тренд оваа пролет, но е многу редок избор за благородничките во Европа и во светот. Оваа дречлива нијанса, жените со деловен, софистициран стил, најчесто ја одбегнуваат од страв да не остават несериозен впечаток, но Летиција докажала дека со суптилни детали и со вистинскиот крој, и розовата може да биде добар избор за поформални пригоди.
Таа го заокружила стајлингот со салонки во светлобеж боја, а ни се допаднаа и нејзината обетки со розови и зелени кристали. Бујната, долга коса ја навиткала во благи кадрици – нејзината веќе препознатлива фризура.
Што мислите за ова нејзино издание?