Кејт Мидлтон го користи овој трик со години: Вака нозете изгледаат подолги и потенки!

Војвотката од Кембриџ, заедно со сопругот, принц Вилијам, многу пати била дел од заедничките должности со принцот од Велс и војвотката од Корнвол, но ова е нивното прво заедничко појавување без Вилијам.

Во добро расположение, Кејт, Чарлс и Камила, пристигнале во центарот Trinity Buoy Wharf, а убавата војвотка веднаш украла погледи во сивиот фустан-капут од модната куќа „Кетрин Вокер“. Парчето изгледа многу познато, што не е чудно, бидејќи Кејт го носела веќе неколку пати, помеѓу другото и во март 2019, кога го посетила музејот Foundling.

Совршено скроениот фустан освојува со чистиот, елегантен дизајн, а шиен е специјално за војвотката од Кембриџ. Станува збор за модел што се вика фустан-капут, бидејќи кројот потсетува на капут. Моделот е изразено струкиран, во горниот дел тесно се припива до телото, додека долниот дел убаво се шири, има фалти и достигнува до колената. Црниот околувратник ѝ дава убав контраст на сивата боја на фустанот, како и ременот со црно копче, што дополнително го нагласува тесниот струк на 40-годишната војвотка.

Ова модно парче веќе е класика во плакарот на Кејт Мидлтон, како другите фустани и капути со потпис на модната куќа „Кетрин Вокер“, што често ги носи. Облеката на француската дизајнерка со лондонска адреса, Кетрин Вокер, која починала во 2010 година, обожавала да ја носи и принцезата Дајана, а оваа љубов очигледно ја наследила и Кејт.

Дебелите црни хулахопки и црните чевли со блок-потпетица на „Џанвито Роси“, кои исто така често ги носи, совршено се вклопиле со фустанот, а благодарение на тоа што бојата на чевлите се стопила со бојата на најлонките, дополнително ѝ се издолжиле нозете и изгледале уште повити. Црната мини-чантичка на луксузниот британски бренд Малбери беспрекорно го заокружила софистицираното модно издание на Кејт Мидлтон.

Розово издание на војвотката од Кембриџ: Кејт Мидлтон го разубавила тмурниот ден во Лондон со својот моден избор!