Како да разговарате со вашиот партнер за неговата поранешна сопруга?

Кога се зборува за свадби, обично станува збор за среќна љубов – вие двајцата среќни до крајот на животот. Но, за жал, огромен број бракови завршуваат со развод. А тоа значи дека има добри шанси вие или вашиот партнер да сте биле во брак претходно, и тоа е сосема во ред, не мора да биде пречка за добар брак.

Ако стапите во брак со некој со деца, големи се шансите да „се занимавате“ со неговата поранешна сопруга, но обично поранешните сопружници се сосема безопасни.

„Најдобриот совет кога имаш работа со бивши е да се обидеш да ја контролираш својата љубомора“, вели психотерапевтот за односи Ејми Хартштајн. „Деведесет и пет проценти од разведените луѓе се среќни што нашле нов партнер. Но, сосема е природно да се чувствувате непријатно поради тоа што вашиот партнер има поранешна сопруга.“

Пред сè, од клучно значење е да запомните дека секој има минато – дури и ако не сте биле во брак претходно, постојат значајни луѓе и партнери од претходните години во вашиот и во неговиот живот.

Кога имате работа со поранешната сопруга на вашиот партнер, обидете се да бидете реални за тоа колку таа всушност ќе влијае на вашиот брачен живот. За многу луѓе, ова воопшто не е проблем – или никогаш нема да ги видат или можеби ќе ги сретнат еднаш или двапати годишно на настани со заеднички пријатели. Но во некои случаи, тие можат да бидат поприсутен дел од вашиот живот, особено ако вашиот сегашен партнер има деца со неа. Во тој случај, треба да се обидете да имате здрав однос со неговата поранешна сопруга.