Посна солена торта за Свети Никола: Декоративна, вкусна и брзо се приготвува!
Кралица на славската трпеза
Посната солена торта е совршеното славско предјадење со коешто ќе ги воодушевите сите гости
Состојки:
- 2 кори од големи обланди (пресечени на 4 дела)
За првата кора:
- 1 дл кисела вода
- 1 дл пиво
- 4 лажици ајвар
- 9 лажици брашно (120 г)
- 1/2 лажиче сол
- 1/2 лажиче прашок за печиво
За втората кора:
- 1 дл кисела вода
- 1 дл пиво
- 100 г спанаќ
- 9 лажици брашно (120 г)
- 1/2 лажиче сол
- 1/2 лажиче прашок за печиво
За филот:
- 100 г посен маргарин
- 200 г шампињони
- 150 г кисели краставички
- 1-2 лажици сенф
- 100 г кашкавал
- 1/2 лажиче куркума
- 1/2 лажиче зачини
- 1/2 лажиче бибер
- 1/2 лажиче оригано
За премачкување:
- 20 г дробени крекери
- 2-3 лажици мајонез
Приготвување:
Најпрво, пригответе ги двете кори. За првата кора, измешајте ги состојките и поделете ја смесата на два дела. Испечете две кори на обланда, по 10 минути на 200 степени. Истата постапка повторете ја и со втората кора.
За филот, пропржете сечкани шампињони со 50 г посен маргарин, потоа додајте уште 50 г посен маргарин и зачини, оставете да се олади, па измешајте заедно со сечканите краставички, додајте мајонез, сенф, кашкавал и куркума. Сето тоа измешајте го, па филувајте ги корите.
Прво оди зелена кора па фил, црвена кора па фил, па 50 г солени посни крекери. Потоа, повторно фил, па зелена кора, па фил и на крај, црвена кора.
Премачкајте ја тортата со дробени крекери и мајонез и посипете ја со здробени крекери.
Коментарите се заклучени.