Пробајте го овој превкусен десерт на Давор Панчевски
Овие неодоливи сицилијански каноли што ни ги приготви гастро-мајсторот Давор Панчевски се совршени како десерт. Посетете го неговиот профил на Инстаграм @daveskitchenofficial и пробајте ги неговите вкусни рецепти.
Состојки:
За тестото:
- 120 г брашно
- 2 лажици шеќер
- прстофат цимет
- 1 лажица маргарин
- јајце, на собна температура
- 1 лажица црвено вино
- 1 лажиче оцет
- 1 лажиче вода
За филот:
- 200 г рикота или несолена урда
- 100 г шеќер во прав
- 1/2 лажиче екстракт од рум
- 1 лажиче кора од лимон
Приготвување:
1. Измешајте ги сите состојки за тестото во длабок сад и замесете меко и мазно тесто.
2. Завиткајте го тестото во хартија за свежа храна и оставете го да се стегне во ладилник околу 1 час или во замрзнувач 20-30 минути.
3. Расукајте го тестото многу тенко и со кружен калап за колачиња пресечете форми. Секое парче од тестото ставете го во калапи за каноли, а доколку немате, можете да ги направите со помош на алуминиумска фолија, само премачкајте ги со масло пред да го ставите тестото, за да не се залепи.
4. Пржете ги канолите 2-3 минути од секоја страна и тргнете ги настрана. Отстранете ги канолите од калапите и оставете ги да се оладат.
5. Краевите на секое парче од канолите потопете ги во растопено чоколадо и веднаш посипете сечкани ф’стаци.
6. За да го приготвите филот, во сад измешајте ги рикотата, шеќерот во прав, румот и кората од лимон. Со готварски шприц нанесете од филот во канолите. Добар апетит и забавно готвење!
Извор: Добра храна