Северина престана да пее дел од своите песни бидејќи ја потсетуваат на тешки животни моменти
Многу песни и будат трагични сеќавања...
Хрватската пејачка Северина Вучковиќ е на јавната сцена повеќе од три децении. Има многу хитови, но некои од нив престана да ги пее на своите настапи, бидејќи ја потсетуваат на одредени делови од нејзиниот живот.
Северина во едно интервју откри дека веќе не ги пее песните од албумите „Севергрин“ и „Моја сватар“.
„Жал ми е што некои од песните што ги снимив не ги пеам на концерти. Тоа е затоа што секогаш го прилагодувам репертоарот на најширокиот круг на луѓе кои доаѓаат на концертите. Концертот треба да биде експлозивен, наполнет, компактен… Најважно за добар концерт е добар репертоар. Не се менува, тоа е како претстава. Нешто што вие како изведувач го претставувате“ – истакна таа.
„Имам многу прекрасни балади кои не ги пеам како Tridesete, Unaprijed gotovo, Broš, Parfem, Alcatraz, Šta me sad pitaš šta mi je, Sama na sceni, Ko je kriv.. но тоа е затоа што тогаш ќе треба да се исфрлат Dalmatinku, Virujen u te, Kao, Grad bez ljudi, More tuge, Imaš pravo. Да пеев сè, концертите ќе траат четири часа. На пример, јас ја сакам песната Muškarcu samo treba kurva од албумот Zdravo Marijo а ја испеав дури на истоимената турнеја во 2009 година. Ги сакам и песните Loša и Daleko ti kuća, а ги пеев само на турнејата Меџик“ – изјави пејачката.
„Не пеам песни од албумот Severgreen бидејќи излегоа во 2004-та година кога некој го пушти тоа несреќно видео. Тие песни ме потсетуваат на тој период, па ги „избришав“ од мојата глава. Затоа не ја пеам „Broš”. А песните од албумот „Moja stvar“ од 1996-та година не ги пеам затоа што татко ми почина додека го снимав албумот. Веќе не ја ни пеам „Rođeno moje“ затоа што ме потсетува на периодот кога го одведоа син ми“ – искрено изјави Северина.
Коментарите се заклучени.