Суви и испукани лакти? Дали е ова причина да посетиме лекар?

Експертите нѐ уверуваат: ако на лактите често забележувате првутење, чешање или дури и болни пукнатини, тоа е причина да одите на лекар.

 НЕ Е КАКО ДРУГАТА КОЖА

Слободно можеме да кажеме дека кожата на лактите не е како другата кожа и никогаш не е иста во различни околности и сезони. Значи, кожата на лактите е различна од кожата на другите делови од телото. Прво, овде речиси нема лојни жлезди, што значи дека кожата на лактите е лишена од водено-липидна киселинска обвивка.

Како резултат на тоа, епидермисот, горниот слој на кожата, практично не е заштитен од губењето влага. Секако, со таква обвивка многу лесно и многу побрзо почнува да се првути, па дури и да пука или да се лупи.

На сето тоа додајте го фактот дека кожата на лактите е многу подвижна. Соочувајќи се со постојано оптоварување и работа на зглобот на лактот, таа мора постојано да се растегнува. Така е со кожата на сите зглобови и затоа кожата на споменатите делови бара посебна нега.

Важен фактор е и честото потпирање на лактите (работа на компјутер, канцелариска работа…), па со самото тоа овој дел од кожата е изложен на постојан притисок и триење.

ОЧИГЛЕДНИ ПРИЧИНИ…

…кои лесно можеме да ги отстраниме

* Сув воздух во просторијата, температурни осцилации.

* Премногу агресивни производи за туширање. Дури и ако земате обичен тоалетен сапун – ова средство е премногу базно, тоа уште повеќе ја суши кожата, уништувајќи ја киселата обвивка. А на кожата сепак ѝ се потребни од два до шест часа за да ја врати рамнотежата.

* Лактите исто така не ја сакаат и нашата навика да се потпираме на нив на маса. Дополнителниот притисок и триењето ќе им ја одземат убавината.

* Носењето груба и синтетичка облека исто така не се одразува најдобро на кожата.

* Дали сакате топол туш или пареа во сауна? Подгответе се кожата на лактите да почне да се суши. Под влијание на високата температура, таа наеднаш ја губи влагата – прво се сушат нејзините чувствителни делови.

* Недостиг од витамини и микроелементи, особено витамините А и Е, биотин и цинк.

ШТО МОЖЕМЕ ДА ПРЕЗЕМЕМЕ * Да се ​​обиде да поминуваме помалку време во вода, особено хлорирана и топла. * Да ​​избереме гелови за туширање чија pH се движи од четири до шест и поретко да користиме антибактериски сапун. * Да ​​усвоиме навика за хидратација на кожата (цело тело) веднаш по водните процедури. Тоа ќе помогне да се врати нејзиниот липиден слој. Препорачливо е да го правиме тоа со кремови, а не со масла, бидејќи тие при честа примена можат да ги измијат липидите и да ја направат кожата уште посува. * Овошје, зеленчук, јаткасти плодови и семки, мрсна риба – овие производи треба постојано да се вклучени во исхраната, бидејќи се богати со антиоксиданти и незаситени масни киселини. * Да се ​​облекуваме во согласност со временските услови, давајќи ѝ предност на облеката од природни ткаенини. * Еднаш неделно да правиме нежен пилинг на кожата и нежна масажа со четка. * Кога имаме можност, да ги мачкаме лактите со мрсен крем (на пр. крем за раце, глицерински) и да оставиме кожата да го впие.

 ПЕТ ПРИЧИНИ ДА ПОСЕТИМЕ ЛЕКАР

Главната причина за посета на лекар е долготрајно првутење и чувство на болка на кожата на лактот, дури и во случај на вообичаена нега. Сувоста, црвенилото и пукнатините сепак можат да сведочат за:

1. Хормонски колапс – на пример, пад на нивото на естроген, бидејќи токму тој помага да се задржи влагата во кожата.
2. Дијабетес – ова заболување и други застои во работата на ендокриниот систем најчесто се одразуваат на состојбата на кожата, особено на лактите и на колената.
3. Анемија – заболување при кое се нарушува лачењето на хемоглобинот поради дефицит од железо, што задолжително се одразува на состојбата на кожата.
4. Лакотен егзем – тој се манифестира со пукнатини и чиреви на кожата на лактите што не зараснуваат.
5. Псоријаза – освен сувост, ќе се појави првутест исип.

Текст: Руски доктор