Едно правило гарантира дека нема да се здебелите за време на празниците

Божиќните празници се време кога сите диети паѓаат во вода, а ние уживаме во изобилство од вкусни јадења, колачи и десерти, знаејќи дека поради тоа ќе страдаме следниот пат кога ќе се соочиме со бројките што ги покажува вагата.

За жал, некои луѓе се толку преплашени од вишокот килограми што си ја ускратуваат целата забава и уживање. Овој пристап е погрешен, бидејќи во тој случај, доколку попуштат, таквите луѓе се прејадуваат до бесвест или се лишуваат од се и се несреќни поради тоа, пишува EatThis.

Следејќи само едно едноставно правило, можете да уживате во празничната сезона, да јадете дополнително парче пита, да пиете дополнителна чаша вино и сето тоа да го направите без грижа на совест.

Следете го правилото 80/20
Многу луѓе ден по празникот се чакуваат на вага и гледаат дека се здебелиле неколку килограми. Но, невозможно е да се здебелите толку многу за еден ден. Тоа е веројатно само тежината на водата и другите супстанции. За неколку дена ќе ги снема.

Наместо да се грижите за неколкуте оброци што ќе ги јадете за време на празниците, фокусирајте се на здраво и чисто јадење во 80 проценти од времето. Јадете посни протеини, многу зеленчук, добри јаглехидрати и здрави масти и избегнувајте преработена брза храна. Ако го направите тоа, тогаш можете да ги потрошите преостанатите проценти на непрехранбени производи и да не се грижите.

Откако ќе уживате во тежок оброк со семејството и пријателите, можете веднаш да се вратите на вашата нормална исхрана веќе следниот ден без да влијаете на телесните масти.