Имам три деца и им дозволувам да седат на телефон колку што сакаат: Тврди оваа мајка!

Шибан Стивенсон oд Лондон е мајка на 3 деца која со начинот на кој ги расте децата ги подели мислењата на социјалните мрежи.

Таа вели дека нема строги родителски правила и вели дека тоа ѝ е сосема во ред сè додека функционира за неа и нејзините деца.

Едно од правилата кое најмногу ги разлути другите мајки е дека на нејзините две ќерки и синче им дозволува да седат на телефон и да гледаат телевизија колку сакаат.

Таа не им го лимитира времето минато пред електронските екрани. Вели дека тие често дури и за време на оброците имаат таблет на маса пред себе.

Стивенсон вели дека покрај ова, не им е ограничена и количината на слатки што смеат да ги изедат.

Многумина ја осудија со коментари од типот: „Затоа после децата во денешно време не знаат да разговараат“, „Обиди се да комуницираш со своите деца“, „Зошто си горда, збунета сум…“, „И ова ли се нарекува родител?“ итн.

Но, имаше и неколку охрабрувачки коментари од типот: „Сите родители знаеме на ваков начин да си го олесниме животот некогаш“, „Ова ми е во ред, сè додека децата се нахранети, чисти и стоплени“, „За да преживееш со 3 деца мора вака“…

@siobhanstephenson__ Reply to @thomasgorman76 this is now my favourite song ✌️😂 #foryou #hardtimes #shitmumsclub #stopmumshaming #normalisingmumlife ♬ original sound – 🙂