Рецепт на денот: Филе од ослич на скара прелиено со сос од млад кромид
Оброк што ќе го приготвите многу брзо и ќе го почестите вашето тело со здрави состојки.
Ова прекрасно месо од риба можете да го најдете во сите добро снабдени пазари. Исчистена, исечена на парчиња, а за оние што сакаат, тука е и свежо замрзната во филети. Затоа, веќе немате оправдување рибата да не биде на вашето мени, нема изговори во смисла – „не можам да го направам тоа“.
Состојки:
1 кг филе ослич
маслиново масло
сол, црн пипер
сок од лимон
За сосот:
неколку варени компири
беби-спанаќ
Приготвување:
Најпрво во малку посолена вода сварете ги компирите исечени на четвртинки. Кога ќе се сварат, ставете ги во друг сад и поклопете ги. Потопете го спанаќот во истата вода во која се варени компирите, не повеќе од две минути, доволно долго да се избланшира. Исцедете го и ставете го кај варените компири.
Одмрзнете ги филетите ослич, исушете ги од вишокот вода, па зачинете ги по вкус. Оставете ги да отстојат десет минути, а потоа пржете во загреана тава на многу малку маслиново масло, да заруменат од двете страни, околу пет минути. Филетите ставете ги во огноотпорен сад.
Послужете ги со компири и спанаќ. И прелите ги со сосот.
Сос од млад кромид:
Китката младо кромитче ситно се сечка и се меша со густ јогурт или павлака, се додаваат неколку капки маслиново масло, малку лимонов сок и ситно сечкани листови магдонос, се соединува рамномерно и се прелева врз рибиното филе или се послужува посебно.