Стинг го продаде целото свое музичко творештво: Од сумата ќе ви се заврти во глава! (ФОТО)
Многу пари се во прашање...
Познатиот музичар Стинг го продаде својот музички каталог, вклучително и хитовите со „The Police“ и како соло изведувач, придружувајќи се на групата ѕвезди кои заработуваат од инвеститори кои гледаат вредност во лиценцирањето на нивните песни.
Музичко-издавачката компанија „Universal“ во четвртокот соопшти дека го купила каталогот, вклучувајќи ги „Every Breath You Take“, „Roxanne“ и „Fields of Gold“. Подробности од договорот не се објавени, но според „New York Times“, тој вреди 250 милиони долари.
View this post on Instagram
Поврзани објави
Во последниве месеци,Боб Дилан, Брус Спрингстин, Пол Сајмон, Стиви Никс, Нил Јанг и други ги продадоа своите песни, каталози на напишани песни или и двете.
Купувачите обично добиваат трајно право да ги користат песните или снимките на изведувачот во реклами, филмови, телевизиски емисии и други формати.
Цените ретко се објавуваат, но експертите од музичката индустрија ја проценуваат продажбата на Спрингстин на Sony Music Entertainment во декември на 550 милиони долари, а договорот на Дилан истиот месец со Universal Music Publishing Group е помеѓу 300 и 500 милиони долари.