Оние што внимаваат на здравјето, со задоволство ќе се засладат со овој сиров колач
Состојки:
- 1 шолја (од 250 мл) бадемово брашно
- половина шолја кокосов протеин
- 3 лажици мед
- 1 лажица кокосово масло
- 10 урми
- вода
- 150 г јагоди
- сок од половина лимон
- 1/3 шолја ореви
- 1/3 шолја кокосово брашно
- 1 лажица кокосово масло
- 1 лажица лимонов сок
Приготвување:
Прво, пригответе ја долната кора. Во блендер ставете бадемово брашно, кокосов протеин, мед, кокосово масло. Изблендирајте и префрлете ја смесата во плех. Ставете ја во фрижидер.
За филот, во блендер ставете јагоди или малини, урми што претходно биле потопени во вода 10-15 минути, сок од половина лимон. Изблендирајте и ставете ја смесата врз долната кора.
Сувата смеса што ќе оди одозгора направете ја така што ќе изблендирате кокосов протеин, ореви и лажица лимонов сок. Сипете ја врз филот и ставете ја тортата два часа во замрзнувач да се стегне.