Комбинацијата од два бисквита и кремав фил ќе ве воодушеви
Потребни состојки:
За првиот бисквит
- 6 белки
- 60 грама шеќер
- 5 лажици брашно
- 60 грама кокос
За вториот бисквит
- 4 белки
- 40 грама шеќер
- 4 жолчки
- 4 лажици брашно
- 2 лажици какао во прав
- ½ кесичка прашок за печиво
За филот
- 6 жолчки
- 150 грама шеќер
- 1 ванилин шеќер
- 6 лажици млеко
- 200 грама маргарин
За глазурата
- 200 грама чоколадо
- 50 грама маргарин
- 6 лажици млеко
Приготвување:
Изматете ги сите состојки за првиот бисквит и ставете ги во плех обложен со хартија за печење.
За вториот бисквит, изматете 4 белки со 40 грама шеќер, па додајте жолчки, брашно, какао, прашок за печиво.
Ставете ја смесата за вториот бисквит врз смесата за првиот и печете ги заедно 20 минути на 180 степени.
За да го приготвите филот, изматете жолчки, шеќер, ванилин шеќер и млеко и сето тоа сварете го на пареа. Изматете маргарин и измешајте го со изладената смеса.
Нанесете го филот врз изладениот бисквит. Прелијте со глазура.
Добар апетит!