Дали ви е потребна дигитална детоксикација?
Терминот дигитална детоксикација се однесува на периодот кога едно лице се воздржува од користење паметни телефони, телевизија, компјутери, таблети и социјални медиуми. Истражуваме какви придобивки има ова за нашето ментално здравје.
Детоксикацијата од дигиталниот свет честопати се поврзува со фокусирање на вистински социјални контакти. Живите. Лице в лице. Воздржувањето од употреба на дигитални уреди, дури и привремено, доведува до намалување на стресот, велат експертите.
Зошто да практикувате дигитална детоксикација?
За многумина од нас, дигиталниот свет е дел од секојдневниот живот, а според истражувањето, возрасно лице поминува во просек 11 часа на ден слушајќи, користејќи и / или гледајќи медиуми.
Постојат многу причини за дигитална детоксикација, и ние го свртуваме вашето внимание на само неколку од нив.
- Технологијата може да помогне во зголемување на стресот. Потребата да се проверат е-поштата, пораките на социјалните мрежи, СМС-пораките и, на крајот на краиштата, постојаната достапност, се одлични предизвикувачи на стрес и напнатост. Истражувањата покажаа дека употребата на дигитални уреди ги зголемува депресијата и нивото на стрес кај возрасните.
- Други студии покажаа дека честата употреба на дигитални уреди, особено пред спиење, се меша со квалитетот и квантитетот на спиењето. Ова се однесува и на возрасните и на децата.
- Дигиталниот свет влијае и на вознемиреност и несоница.
- Честата употреба на дигитални технологии е исто така поврзана со симптоми на дефицит на внимание (АДХД) кај децата.
- Истражувањето на универзитетот во Пенсилванија покажа дека употребата на социјални мрежи како што се Фејсбук, Инстаграм, Снепчат и ТикТок е поврзана со ризик од депресија и осаменост.
Знаци дека ви треба дигитален детокс
- Се чувствувате напнато и нервозно кога не можете да го најдете телефонот.
- Треба да го проверувате вашиот телефон на секои неколку минути.
- Се чувствувате депресивно, вознемирено или луто откако ќе поминете време на социјалните мрежи.
- Преокупирани сте со коментари и лајкови на социјалните мрежи.
- Вие останувате будни долго време користејќи го телефонот.
- Имате проблем со концентрација.
Дигиталното детоксикација не е целосно одвојување од телефоните и другите уреди, туку ограничување на времето што го поминувате користејќи ги. Испробајте!
Прочитајте и: Ова се најдобрите земји за живот и работа, според најновото истражување
ФОТО: Pexels