Здравјето на Селин Дион сè повеќе се влошува: Пејачката со божествен глас едвај се движи!

Една година откако објави дека боледува од синдром на вкочанетост, болест што предизвикува неконтролирани грчеви и вкочанетост на мускулите, здравствената состојба на пејачката Селин Дион (55) сè повеќе се влошува.

„Таа веќе нема контрола над мускулите и не може да ги контролира движењата на телото. Срцето ми се крши бидејќи таа секогаш беше дисциплинирана и внимаваше на сè. Нашата мајка секогаш велеше дека таа ќе помине најдобро од сите нас, токму поради таквиот стил на живот. Вистината е дека и во нашите и во нејзините соништа, целта е што побрзо да се врати на сцената и да продолжи да го прави тоа што најдобро го знае – да пее заедно со публиката која ја обожава. Во која состојба е, навистина не знам, се надеваме на прогрес“, раскажала нејзината сестра Клодет Дион.

Најголема поддршка ѝ се нејзините синови

Селин минатата година им соопштила на фановите дека мора да ја одложи светската турнеја поради болеста.

„За жал, грчевите влијаат врз секој аспект од мојот секојдневен живот, а ми прават големи проблеми додека одам и додека се движам, не ми дозволуваат ни да ги користам гласните жици и да пеам на начинот на којшто сум навикната, бидејќи и во тој дел мускулите се грчат и затегаат“, рекла пејачката, за која велат дека има еден од најубавите гласови на светот.

„За мене не постои лек“: Селин Дион со солзи се обрати до публиката (ВИДЕО)