Пуканките се омилени грицки на многумина, помагаат при слабеење, но само во одредени ситуациии

Во последниве години, пуканките станаа популарен избор за ужина за оние кои се обидуваат да изгубат тежина. Сепак, има многу дилеми за тоа дали пуканките се добри или лоши во процесот на слабеење.

Пуканките се производ од цело пченкарно зрно. Кога се загрева зрното пченка, тоа пука, создавајќи ја меката закуска што сите ја знаеме. Една од примарните придобивки од редовното консумирање на пуканки е внесот на висока содржина на влакна, кои се клучни за здравјето на дигестивниот систем. Меѓутоа тие можат да помогнат и при губење на килограмите, бидејќи создаваат чувство на ситост на подолг рок.

Содржина на калории
Пуканки подготвени на топол воздух, без масло, се ниско калорични. Порција од три чаши содржи околу 90 до 100 калории. Исто така, тие речиси и да не содржат масти и шеќер. Ова ги прави пуканките одлична закуска за оние кои бројат калории.

Улогата на пуканки во губење на тежината
Поради високата содржина на влакна, пуканките можат да ни помогнат да се чувствуваме сити со релативно низок внес на калории. Ова може да го намали вкупниот внес на калории, што е можеби најважниот фактор за губење на тежината.

Потенцијални недостатоци
Најголем недостаток на веќе готовите пуканки, од маркет, се нездравите адитиви. Путерот, карамелата и сирењето значително ја зголемуваат содржината на калории и маснотии, што ги сузбиваат придобивките од омилената закуска. Дури и пуканките подготвени на топол воздух може да придонесат за зголемување на телесната тежина доколку се консумираат во прекумерни количини.

Како заклучок, домашните пуканки, особено подготвени на топол воздух, генерално се подобри за губење на тежината од оние купени во продавница или испукани во врело масло.