СОВРШЕНО: Брижит Макрон се појавила во неверојатно модерен костим и докажала дека е најдобро облечената прва дама!
Како ви се допаѓа?
Брижит Макрон секогаш му е најголемата поддршка на повторно одбраниот француски претседател Емануел Макрон
Првата дама на Франција е позната по непогрешливиот, елегантен стил, а ни овој пат не разочарала со одличниот изглед.
Госпоѓата Макрон цело време го држела сопругот за рака, го прегрнувала и ја потпирала главата на неговото рамо, но ова нежно однесување, сепак, не ни го одвлече вниманието од нејзиниот префинет стајлинг.
Прославената 69-годишна прва дама одбрала сив, одлично скроен костим од тесни панталони и долго сако со нетипично закопчување. Имено, блејзерот наместо на средината се закопчува во долниот лев агол, па така се разиграл вообичаениот V-изрез, а тоа му дало посебен печат на стајлингот.
Брижит сето тоа го надополнила со елегантна, бела блуза, брендирана крем чанта и салонки во истата нијанса, а успеала да изгледа многу отмено и истовремено урбано, со оглед на тоа што женските костими се голем тренд веќе неколку години по ред.
Што мислите вие за нејзиното издание?