„Верувајте ми мене, јас сум стара будала“: Прочитајте ги овие зборови на Ентони Хопкинс секогаш кога ќе изгубите верба во себе!

Ентони Хопкинс на 31 декември наполни 85 години, но тоа не го спречува да шири оптимизам и среќа каде и да се појави. Овие негови зборови со години се прераскажуваат, а многумина ги сметаат за еден вид мантра.

 

View this post on Instagram

 

A post shared by Anthony Hopkins (@anthonyhopkins)

„Апелирам до очајните млади луѓе.

Верувајте ми. Читав, веќе не се ни сеќавам каде точно, за некој шаман. Било суша, умирала стоката, умирале луѓето. А шаманот кажал: ‘Направете ровови. Ископајте бунари за дождот.’

‘Но нема дожд’, велеле луѓето.

‘Ископајте ровови и дождот ќе дојде…’

Неверниците ќе кажат дека тоа е глупост. Во ред, верувајте во што сакате. Тоа е рационално размислување. Но мислам дека рационалното размислување не функционира моментално. Ви треба ирационално размислување, потсвест! Кога бев мал, сонував дека ќе станам тоа што сум сега. Можеби имав визија, не знам. Не се надевав многу, но ми се случи тоа што го сонував. И сега цврсто верувам во моќта на желбите.

Затоа – копајте ровови! Што и да одлучите да направите, верувајте во тоа, верувајте и верувајте. Ако не верувате, преправајте се дека верувате.

Однесувајте се како да верувате. Тука лежи снагата. Тоа е апсолутната моќ. А потоа, тоа и ќе се случи. Верувајте ми мене, јас сум стара будала. Она што успеало во мојот живот – ќе успее и во вашиот. Никогаш не откажувајте се! Верувајте, верувајте, верувајте!“

Славниот актер 20 години не разговарал со ќерка му, не знае ни каде е: „Немате обврска да си го сакате семејството!“