Совети за убавина за бујни, сјајни и здрави трепки
Бујните трепки се сон на многу жени – но, ќе признаеме, не им посветуваме доволно внимание! Главно се сведува на избор на вистинска маскара! Сепак, тие бараат многу поголема грижа … и ќе возвратат со посакуваниот богат волумен!
Сосема е нормално да изгубите една до четири трепки во текот на денот, а како што старееме тие стануваат сè пократки, посветли и потенки. Затоа, колку подобро се грижите за нив, толку подобро изгледаат.
Еве што да правите (што е можно почесто):
Отстранете ја маскарата
Многу е важно детално да се отстранат наслагите на исушената маскара бидејќи тие можат да предизвикаат слабеење на трепките и да доведат до прекумерно опаѓање на влакната. Исто така, важно е да бидете исклучително нежни при отстранување на шминка бидејќи ненадејните движења можат да ги скршат трепките и да предизвикаат иритација на очите.
Откако ќе го натопите памукот со средство за отстранување шминка, оставете го на око некое време, а потоа отстранете ги омекнатите остатоци од шминка со лесни потези. Избегнувајте триење на очните капаци и извлекување на згрутчените остатоци од маскара, бидејќи овие постапки сигурно ќе ги оштетат трепките.
Спречете блокада на очните жлезди
Откако ќе ги отстраните остатоците од шминка, земете чист памук и полека турнете го кон линијата на трепките на горниот очен капак. Потоа, со друг чист памук, сторете го истото кон долната линија на трепките.
Нашите очи имаат стотици мали жлезди на очните капаци кои ја подмачкуваат површината на окото. Чистењето ги спречува можното запушување и иритација на околината. На пример, блефаритис е воспаление на рабовите на очните капаци што директно влијае на фоликулите на трепките, што во голема мера влијае на нивниот развој.
Поврзани објави
Користете серуми
За да го подобрите изгледот и текстурата на трепките, можете да користите разни специјализирани серуми и природни масла, а едно од најуспешните во оваа област е секако рицинусово масло. Покрај тоа што одлично влијае на закрепнување на тенки и ослабени влакна, може да направи и чуда за трепките.
Одморете се од додатоците
Фактот што поради пандемијата на коронавирусот мораме да поминуваме сè повеќе време дома може да биде предност за нас во овој случај. Кратка пауза од носење маскара секој ден може да има позитивно влијание врз состојбата на трепките, особено ако сте љубители на водоотпорните.
Исто така, уште еднаш ве потсетуваме дека е исклучително важно редовно да ги менуваме производите што ги нанесуваме на трепките и очите, бидејќи производите со истечен рок на употреба можат да направат повеќе штета отколку корист.
Истото правило важи и за екстензии и вештачки трепки – паузата од нив понекогаш е неопходна за обновување на природните влакна!
Прочитајте и: Измијте ја косата со оризова вода само еднаш: Еве што ќе се случи!
ФОТО: Getty Images