Холивудскиот шармер 40 години обожава една жена, но тие никогаш не се венчале: Ги прифатил нејзините деца и ги сакал како свои!
Љубовна бајка
Се запознале кога тој имал 16 години, а таа 21 – неколку години подоцна, љубовта пламнала
Актерот Курт Расел во текот на својата долгогодишна кариера често завршувал на листите на најсексапилни мажи на светот, а и денес важи за миленик на жените.
Расел овој март го слави својот 70-ти роденден и ако жените сѐ уште лудуваат по него, тој повеќе од 38 години ѝ е верен само на една – актерката Голди Хоун (75).
Курт, чиј татко бил славниот актер Бинг Расел, ја започнал кариерата како детски актер, па во 1960-те години се појавувал во бројни филмови, меѓу кои и „Се случи на Светскиот саем“ (1963) со Елвис Присли во главната улога.
Интересно е тоа што 16 години подоцна самиот го глумел Елвис во истоимената мини-серија, за што бил номиниран за награда „Еми“. Истата таа 1979 година се оженил со актерката Сизон Хабли, со кога бил во брак четири години, а заедно го добиле синот Бостон.
Поврзани објави
Голди ја запознал на снимањето на филмот „Единствен, вистински, оригинален семеен бенд“ во 1967 година. Таа тогаш имала 21 година, а тој 16, па не кликнале веднаш. Но кога повторно се сретнале на снимањето на романтичната драма Swing Shift 15 години подоцна, се родила љубов што трае и до денес.
Иако заедно се речиси 40 години, Курт и Голди никогаш не се венчале.
„Ми се допаѓа тоа што сум му девојка на Курт. Среќни сме“, рекла Голди во едно интервју.