Како да направите совршени пржени лепчиња: Еве каде луѓето најчесто грешат при приготвувањето на овој оброк

Речиси и да не постои човек што никогаш не пробал или не направил пржени лепчиња. Тие се едни од најчестите гости на трпезите ширум нашата земја, а навистина брзо и едноставно се приготвуваат.

Постојат десетици начини на приготвување, а еве како да направите совршени пржени лепчиња, кои се крцкави на рабовите, а меки во средината. Не треба да бидат премногу масни, но ни суви, а исто така не е дозволено да бидат загорени или недоволно печени.

Трикот е во внимателното приготвување, трпението и триковите на искусните мајстори, кои сега ви ги откриваме. Па, ако пржените лепчиња ви излегуваат тегави, прегорени или „живи“, еве кои се најчестите грешки:

Премногу тенко го сечете лебот

Доколку парчињата леб се премногу тенки, лебот може да се распадне, бидејќи смесата од јајца е тешка. Парчињата би требало да бидат околу еден и пол сантиметар дебели.

Користите свеж леб

Секогаш е подобро да користите леб кој отстојал барем еден ден.

Ги пржите на путер

Путерот гори на високи температури, па многу подобро е да користите растително масло или маст.

Не користите млеко

Со оглед на тоа што кај нас не е вообичаена пракса, пржените лепчиња сепак ќе бидат многу повкусни ако во смесата со јајца додадете и млеко, и тоа полномасно!

Ставате премногу јајца

Некоја произволна формула за приготвување на смесата од јајца е дека на две парчиња леб треба да се користи четвртина шолја млеко и едно јајце.

Ги заборавате зачините

Прстофат ким, бибер или малку пармезан во смесата, ќе ги претворат пржените лепчиња во ремек-дело, а ако ги сакате во слатка варијанта, нека бидат тоа цимет, ванила или шеќер во прав.

Нетрпеливи сте

Маслото мора да биде врело за да не впијат пржените лепчиња премногу маснотии. Пржете ги на средна температура по неколку минути од секоја страна.