Без многу труд и умешност, ќе ги приготвите вчас!
Овие лиснати пакетчиња со шунка се идеално за појадок, вечера или како вовед во главното јадење.
Состојки:
- 500 г замрзнато лиснато тесто
- 12 правоаголни листови шунка
- 200 г моцарела
- 1 јајце
- сусам
Приготвување:
1. Лиснатото тесто се одмрзнува, па половина се префрла на набрашнета работна масичка. Се сука со сукало во квадрат, со дебелина од 3 мм, па се сече на 6 помали квадрати.
2. Моцарелата се сече на 12 крукчиња. На средишниот дел на секој лист шунка се става крукче моцарела и се обложува со краевите на шунката за да се обликува пакетче.
3. По едно пакетче од шунка и сирење се става на секој квадрат тесто. Потоа тестото се превиткува наполу, а краевите се притискаат со виљушка да се залепат. Вишокот тесто се отстранува.
4. Лиснатите пакетчиња се поставуваат во плех обложен со хартија за печење, се премачкуваат со изматено јајце и се посипуваат со сусам. Се печат во загреана рерна на 200°Ц, додека заруменат.
Извор: Добра храна