Ако вие и вашето семејство сакате крофни, но немате многу време или не сте многу добри во мешањето тесто, овие брзи крофни од јогурт се совршена замена.
Која е разликата помеѓу традиционалниот рецепт и брзите крофни?
Разликата помеѓу традиционалните и брзите крофни се огледа и во самиот рецепт, но и во подготовката. Во традиционалниот рецепт се користи квасец и тестото нараснува, поради што подготовката е многу посложена и подолга. Овој рецепт бара да бидете вешти во мешањето на тестото. Брзите крофни од јогурт наместо квасец користат јогурт и прашок за пециво. Времето за подготовка е скратено, нема потреба од мешање бидејќи се е завршено со миксер. Вкусот е многу, многу сличен, но забележливи се минимални разлики во текстурата: традиционалните крофни се за нијанса повоздушести и повеќе се креваат.
Поврзани објави
Состојки:
2 јајца
5 лажици шеќер
250 мл млеко
1 прашок за пециво
600 гр брашно
6 големи чаши јогурт
масло за пржење
Подготовка:
Јајцата и шеќерот се матат со миксер. Кога ќе се растопи шеќерот, додадете го млекото и лажица по лажица брашното во кое претходно сте го истуриле прашокот за пециво. Кога тестото ќе стане густо, тргнете го миксерот на страна и измешајте со процесор за храна. На самиот крај додадете го јогуртот и измешајте. Тестото префрлете го на набрашнета површина и месете додека не престане да се лепи за масата. Тестото ќе биде меко – во ред е, не додавајте повеќе брашно за да не бидат тврди крофните. Расукајте го тестото и поделете ги крофните користејќи шолја натопена во брашно како калап. Пржете на врело масло додека не нараснат и поруменат од двете страни. Декорирајте по желба ( шеќер во прав, топено чоколадо, кокос…)
Коментарите се заклучени.