Рецепт за омилениот чешки колач – јулишка: Сите го обожаваат, а се прави исклучително лесно!

Јулишка е традиционален десерт од Чешка, што го обожаваат сладокусците ширум светот! Многу лесно се приготвува, а вкусот е неодолив и воопшто нема да ви требаат многу пари за состојките.

Состојки:

• 6 јајца
• 200 г шеќер
• 1 кесичка ванилин шеќер
• 100 г стопено чоколадо
• 80 г мелени ореви
• 2 лажици брашно
• 1 пакување лиснато тесто

За филот:

• 600 мл млеко
• 3 лажици брашно
• 3 лажици густин
• 200 г шеќер
• 1 кесичка ванилин шеќер
• 250 г маргарин

Приготвување:

Расучете го лиснатото тесто, избодете го со виљушка, па печете го десетина минути на 180 степени.

За кората, стопете чоколадо на пареа и одвојте ги жолчките и белките. Белките изматете ги со шеќер и ванилин шеќер. Посебно изматете ги жолчките, додајте стопено чоколадо, ореви и брашно. Внимателно додајте ја смесата во смесата со белки.

Така приготвеното тесто префрлете го во калап, каде што сте ја ставиле едната печена кора лиснато тесто. Печете 20-30 минути, на истата температура од 180 степени.

За филот, во малку млеко измешајте брашно, густин, шеќер и ванилин шеќер. Преостанатото млеко ставете го да зоврие. Кога ќе зоврие, додајте му ја другата смеса и продолжете да загревате додека се згусне. Во оладениот крем, додајте 250 г маргарин.

Сипете го кремот врз печената кора и поклопете со втората кора печено лиснато тесто.

Кремливи коцки со ореви: Не постои повкусен старински колач, а готов е за помалку од 20 минути