Мраморна торта без печење: Најсочниот и најкремливиот десерт што секогаш ќе го правите! (ВИДЕО)

За овој исклучително декоративен десерт нема да морате да ја вклучувате рерната, а нема да ви треба ниту миксер. Се прави многу лесно, а сите ќе мислат дека сте ја купиле од слаткарница. Лесен и кремлив десерт што ќе ги воодушеви сите ваши гости, а вие сигурно ќе ја добиете титулата за најдобра домаќинка!

Состојки:

За кората:

• 150 г бисквити

За црниот фил:

• 130 г шеќер
• 45 г брашно
• 20 г какао во прав
• 500 мл млеко
• 15 г путер
• 2 мл екстракт од ванила

За белиот фил:

• 130 г шеќер
• 45 г брашно
• 500 мл млеко
• 15 г путер
• 2 мл екстракт од ванила

За глазурата:

• 200 мл топла вода
• 30 г шеќер
• 25 г какао во прав
• 20 г густин
• 15 г путер
• 75 г темно чоколадо

Приготвување:

• Во калап со пречник од 26 см обложен со хартија за печење се редат бисквитите на дното, исправени по рабовите.
• Во млекото се додава густин, екстракт од ванила, какао и шеќер, па сето тоа добро се меша и се загрева на тивок оган за да се добие густа, но мазна смеса, со постојано мешање.
• За белиот фил се повторува постапката, само што во него не се додава какао.
• По средината на калапот, наизменично, се долева по малку од двата фила. Ова се повторува додека се потроши целиот фил.
• Се става во фрижидер да се лади околу еден час.
• За глазурата, се топи шеќерот во водата заедно со густинот и какаото, на тивок оган, со постојано мешање.
• На крај, се додава црно чоколадо и се меша додека се стопи целосно.
• Кога ќе се олади малку, се прелева преку тортата и рамномерно се распоредува.
• Се лади во фрижидер 3 часа пред послужување.
• По желба се украсува со чоколадни бонбони.

Погледнете го видеото за подетални упатства…

Колач од јаболка и бисквити што не се пече: Сочен десерт, готов за миг!