Мирис што ќе ве врати во детството: Израдувајте ги домашните со овие ролатчиња со јаболка!
Десерт
Овие ролатчиња се одличен десерт
Состојки:
За тестото:
- 750 г брашно
- 80 мл масло
- 400 мл млеко
- 2 жолчки
- 5 лажици шеќер
- прстофат сол
- 30 г квасец
За филот:
- 1 кг исчистени јаболка
- 2 лажички цимет
- 2 лажици лебни трошки
- 200 г шеќер
За премачкување:
- 1 јајце
- 50 г сечкани бадеми
Поврзани објави
Приготвување:
1. Квасецот разматете го во млако млеко со лажиче шеќер и брашно, па оставете го на топло да нарасне.
2. Во сад измешајте брашно, преостанатиот шеќер, сол, масло, жолчки и приготвениот квасец, па со рака замесете еластично тесто. Покријте го со крпа и оставете го да одмора еден час.
3. За приготвување на филот, изрендајте ги јаболката и исцедете ги од вишокот течност. Измешајте ги со шеќер и цимет.
4. Посипете ја работната површина со брашно. По стасувањето, расукајте го тестото на дебелина од околу 5 мм. Посипете го со лебни трошки, па распоредете ги јаболката одозгора. Завиткајте го, па исечете го на резанки со ширина од 3 см.
5. Обложете го плехот со хартија за печење, па во него префрлете ги приготвените ролатчиња. Покријте ги и оставете ги да одморат 15 минути. Потоа, премачкајте ги со изматено јајце и посипете ги со бадеми по желба.
6. Печете ги во загреана рерна на 180˚Ц околу 15 минути.
Извор: Добра храна