Оваа пита е како создадена за оние што постат
Деновите кога се пости на вода, прилично тешко е да се направи разновидно мени, особено кога станува збор за сладокусците. Оваа пита е како створена за сите денови!
Состојки:
- 500 г брашно
- 100 г шеќер
- 500 мл млака вода
- 1/2 шолја суво грозје
- 6 лажици џем од кајсија
- сок и рендана кора од еден портокал
- 1/2 лажиче прашок за печиво
- 1 лажиче сода бикарбона
- рендана кора од лимон
- 1/2 лажиче цимет
Приготвување:
Веднаш вклучете ја рерната да се загрева на 180 степени. Во подлабок сад ставете брашно, прашок за печиво и сода бикарбона, па сето тоа измешајте го добро за да се соедини.
Поврзани објави
Потоа, по ред додајте суво грозје, рендана кора од лимон и портокал, цимет, сок од портокал и вода, па сето тоа добро измешајте го со лажица. Обложете тркалезен калап со пречник од 28 см со хартија за печење, сипете ја смесата за питата и израмнете ја со лажица. Печете ја околу 30 минути.
Кога ќе биде печена, извадете ја од калапот и оставете ја да се олади, пресечете ја по должина на две кори, па долната премачкајте ја со џем.
Потоа, преклопете ја со горната кора, а пред послужување на колачот, по желба, посипете го шеќер во прав.
Добар апетит!