Почнете од корите. Во поголем сад измешајте брашно, шеќер и сода. Додајте путер исечкан на коцки и измешајте ја смесата. Додајте јајце и измешајте така што ќе добиете еластично тесто. Завиткајте во пластична фолија и ставете ја смесата во фрижидер 30 минути.

Потоа, развлечете го тестото во калап и оставете го на страна. Во меѓувреме, загрејте ја рерната на 180 степени.

Почнете со приготвување на филот. Измешајте ги сите состојки и добро соединете ги со миксерот. Нанесете го филот врз корите, па сето тоа заедно печете го 20-30 минути. Извадете ја тортата од рерна и оставете ја да се лади, но рерната нека остане вклучена.

Изматете ги белките, додајте пет лажици шеќер, една по една, убаво измешајте за да добиете цврст снег, но не претерувајте со матење. Внимателно распоредете ги белките врз филот, па вратете ја тортата во рерна 15-20 минути, додека не добие убава златна боја на врвот.

Исклучете ја рерната, отворете ја вратата и оставете ја тортата да се лади во рерна, најмалку 50 минути.

Слојот од белки ќе спласне, но тоа е нормално. На крај, извадете ја од рерна и оставете ја целосно да се излади. Колку подолго стои, толку повеќе ситни точки, солзички, ќе избијат на површината од белки!