Кардиолог откри кои се најздравите намирници за срцето, некои може да ве изненадат

Здравата и урамнотежена исхрана игра важна улога во одржувањето на здравјето. Но, дали знаевте која храна е најдобра за вашето срце? Ѕирнете во кујната на познат кардиолог кој ја избира својата храна врз основа на сознанието за врската помеѓу она што го јадеме и здравјето на срцето.

Марула, особено рукола
Докторката Елизабет Клодас тврди:  „Марулата е храна со високи нутритивни вредности, нискокалорична и содржи антиоксиданси. Руколата ми е омилена, па секогаш ми е во фрижидер“.

Руколата е богата со витамин Ц и калиум и помага во одржување на здравјето на кардиоваскуларниот систем“.

Цвекло
„Цвеклото помага во намалување на крвниот притисок“, вели докторот. Цвеклото е извор на нитрати, кои го зголемуваат протокот на крв. Покрај тоа, цвеклото е полно со влакна и антиоксиданси.

Грчки јогурт со 0% маснотии или јогурт со малку маснотии
Јогуртот е извор на пробиотици кои се важни за одржување на здравјето на кардиоваскуларниот систем“, објасни кардиологот. Речиси секој ден јаде јогурт за појадок. „Јогуртот е исто така одличен извор на протеини и калциум“, додаде таа.

Козјо и фета сирење
Козјото сирење има помалку заситени масти и натриум од многу други сирења, а овие својства се добри за срцето. Минералите како бакар и магнезиум се во поголеми пропорции во козјото отколку во кравјото, пишува The Healthy.

Фета сирењето е омилен додаток на лекарската салата, иако обично е богата со натриум.

Морков и целер
Клодас секогаш има при рака моркови и целер, бидејќи се одлични за секое јадење, а особено за супи, кои, како што вели, сака да ги подготвува, бидејќи во исхраната вклучува зеленчук и интегрални житарки. „Морковите содржат витамин А и антиоксиданси“, вели докторот, „а целерот е нискокалоричен зеленчук со многу влакна, антиоксиданси и калиум“.

Карфиол, брокула и аспарагус
Клодас вели дека брокулата и карфиолот имаат високо ниво на соединенија кои му помагаат на телото да ја блокира апсорпцијата на ЛДЛ холестеролот. „Јадењето зеленчук помага да се намали холестеролот“, вели докторот. Во просек, „луѓето кои јадат растителна храна имаат помал холестерол“.

Аспарагусот исто така помага да се отстрани холестеролот пред телото да го апсорбира.

Путер од кикирики
Некои од придобивките на путерот од кикирики се тоа што тој е богат со протеини и мононезаситени масти, а содржи и витамин Е и антиоксиданси, објаснува Клодас.

Јајца
Едно просечно јајце, вели кардиологот, има 200 милиграми холестерол, но „сите во жолчката, а не во белиот дел“. Клодас сугерира дека се претпочита конзумирање на едно јајце дневно.

Јајцата ја содржат есенцијалната хранлива материја холин, која им помага на мозокот и нервниот систем да работат.

Лосос
„Го сакам лососот“, вели Клодас, вклучувајќи го и димениот лосос. Лососот е богат со омега-3 масни киселини и го намалува ЛДЛ холестеролот, го зголемува добриот холестерол (ХДЛ) и ги намалува триглицеридите. Покрај тоа, оваа риба има антиинфламаторно дејство.