За Сандра Булок (57) велат дека не старее и дека речиси воопшто не ѝ се променил изгледот, а таа тврди дека тоа е поради шминката. Која е тајната за нејзиниот вечно младешки изглед?
Ако земеме предвид дека е длабоко навлезена во шестата деценија од животот, за Сандра Булок (57) слободно можеме да кажеме дека изгледа мошне добро.
За разлика од голем број нејзини колешки, неа можеме да ја видиме и без грам шминка додека оди на снимање на нејзините филмски проекти, а совршено изгледа и на црвениот тепих. Во што е нејзината тајна?
Не ги прескокнува тренинзите
Сандра Булок знае дека за да остане во форма, потребно е да одвои време за тренинзи и да биде мошне посветена. Вели дека во следниот живот би сакала да биде спортист.
Таа вежба најмалку по еден час, шестпати неделно, а кога работи на некој филм, станува порано за да има време да вежба пред да оди на снимање.
Има свој фитнес-гуру
За да се оддржи во форма, Сандра Булок се придржува до озлогласената техника на Симон Де Ла Ру, Body By Simone.
Оваа рутина вклучува исцрпувачки танчерски движења во комбинација со јога и пилатес. Се вели дека овие вежби ѝ помагаат на Сандра да го затегне во целост телото, а нејзините сесии траат по еден час.
Освен тоа, Сандра вежба и на справи, а познато е дека за да го затегне горниот дел од телото понекогаш се задржува и во „планк“ позиција.
Кардио-вежбите, јогата и пилатесот се уште некои од тренинзите што ѝ помагаат да се одржи во форма.
Мали порции
Со оглед на нејзината возраст, вежбањето не е доволно, па Сандра вели дека е потребно особено да внимава и на големината на нејзините порции со здрава храна.
Во моментите кога чувствува глад, најчесто за ужина зема овошје или јаткасти плодови.
Поврзани објави
Нејзината исхрана е богата со свежа храна, а кога бира месо, најчесто јаде пилешко или мисиркино затоа што во нив нема шеќери ниту глутен.
Еднаш неделно мами со храната
Исто како и сите обични „смртници“, и Сандра сака еден ден во неделата да се опушти и да се храни „нормално“.
Затоа еден ден во неделата, обично во петок или во сабота, си дозволува да ја консумира храната што ја сака, но ѝ е забранета.
Сакам слатки, сакам виетнамски тестенини, тесто за колачи или голема порција со житарици со млеко во кои уживам додека гледам Saturday Night Live – тоа е вистински рај“ – рече Сандра.
Кога ќе се прејаде, танцува
Освен доста интензивниот тренинг, Сандра има уште една тајна што ѝ помага да остане во форма – а тоа е танцот.
Кога танцува на својата омилена музика таа успева да потроши дополнителен број калории на забавен начин и воопшто не чувствува дека вежба, а тоа особено ѝ помага во деновите кога мами со храната.
Сандра во минатото даде една изјава и го прокоментира пишувањата во медиумите за тоа дека таа воопшто не старее.
На прес-конференцијата за филмот Bird Box, таа рече дека гледачите досега немале можност да ја видат реалната Сандра, туку дека нејзиниот изглед се должи на добрата шминка и фризура:
Единствено ме гледате кога работам на прес-конференции. Знаете колку време потрошив на фризура и шминка? Два и пол часа… Потоа ќе го измијам овој изглед и утре во 8 часот ќе ја повторат шминката. Никогаш не сум била фотографирана кога не сум во најдоброто издание“ – рече таа.
Видео: Youtube