Моќниот милијардер растурал бракови сè додека не ја сретнал 32 години помладата тенисерка: Го научила што е вистинска љубов
Кој е сопругот на Моника Селеш?
Моника Селеш веќе 15 години ужива во бракот со 3 децении постариот бизнисмен Томас Голисано
Тенисерката Моника Селеш беше спортистка на која ѝ прогнозираа историски успеси, поради нејзините вонсериски резултати. На теренот беше незапирлива, сите му се воодушевуваа на нејзиниот начин на игра, бидејќи поразот за неа никогаш не беше опција.
И којзнае до каде ќе стигнеше оваа неверојатна жена, ако не ѝ се променеше судбината еден пролетен ден во Хамбург. Имено, опседнат навивач на Германката Штефи Граф ѝ се прикрал зад грб и ја забодел со нож.
Подоцна било утврдено дека Гинтер Пархебио бил психички неурамнотежен, а по шест месеци притвор, бил осуден на две години условна казна со задолжително лечење. Починал во април оваа година.
Таа беше запаметена и како најмладата тенисерка што го освоила Ролан Гарос, и тоа на само 16 години. Моника во моментот кога била нападната имала само 19 години и неверојатни 9 гренд-слем титули зад себе. Била на добар пат да стане најдобрата тенисерка на сите времиња, но бруталниот напад влијаел врз неа и физички и психички.
Покрај поради блескавата кариера, Моника често била во центарот на вниманието на јавноста поради своите љубовни избори, а конечно се смирила во 2009 година, кога запловила во врска со милијардерот Том Голисано, кој е 32 години постар од неа.
View this post on Instagram
Се запознале на натпревар на Бафало Саберс, чиј сопственик бил тој во тоа време. Во моментот на судбоносната средба, поранешната тенисерка имала 41, а познатиот милијардер имал 71 година. Љубовта ја крунисале со брак во 2014. и оттогаш живеат во хармонична заедница на Флорида, без никакви скандали.
Селеш тогаш првпат го кажала судбосносното „да“, додека Голисан зад себе има три брака и две деца. Том го стекнал богатството како основач на една од најголемите компании за исплата на лични приходи, а еден период бил и сопственик на хокејскиот клуб Бафало Саберс.
Познатиот бизнисмен се занимавал и со политика и трипати неуспешно се кандидирал за гувернер на Њујорк, во 1994, 1998 и 2002 година. Голисано е познат филантроп и сопственик на фондацијата „Голисано“, која поддржува програми за лица со интелектуални нарушувања.
Врската на некогашната тениска шампионка и бизнисменот уште од почетокот била интригантна за јавноста, поради разликата во годините, но и поради неговото богатство, кое се проценува на повеќе од 2 милијарди долари. Но со оглед на тоа што и самата Моника има околу 75 милиони на својата сметка, изгледа дека сепак станува збор за вистинска љубов.
Коментарите се заклучени.