Омлет со тиквички – може и за ручек!
Нема ни да почувствувате дека сте готвеле ручек бидејќи за кратко време ќе добиете супервкусен и хранлив оброк за целото семејство.
Состојки:
2 тиквички
5 јајца
1 врска млад кромид
1/2 китка магдонос
1/2 лажиче босилек, свежо сечкан
сол и бибер по вкус
1 лажица масло
лута пиперка по вкус
80 г сланина во ливчиња
Приготвување:
Измијте ги тиквичките и изрендајте ги заедно со кората, посолете малку и добро исцедете ги од вишокот вода. Ситно исечкајте ги сите билни зачини како и пиперките, ако сакате, може и лути.
Во сад се ставаат јајцата, се матат малку со виљушка, се додаваат исцедените тиквички, свежо сечканите зачини, сечканата лута пиперка, се додава бибер и сол и се’ убаво се меша.
Поврзани објави
Во поголема тава ставете масло и загрејте го ниска температура, па прво испржете ги листовите сланина за да станат крцкави. Извадете ја готовата сланина и ставете ја настрана.
Во тавата ставете ја смесата со јајца. Пржете го омлетот, па со лопатка проверете дали е печен одоздола, и со помош на шпатула превртете го и малку пропржете го од другата страна. Одозгора наредете ја пржената сланина.
Готовиот омлет ставете го на чинија и послужете го со попечен стар леб, сирење и зелена салата или домат.
Текст: Добра храна