ГРЧКА ТОРТА: Со причина важи за кралица меѓу тортите – совршена е за сите свечени пригоди!
Со сигурност ќе ги воодушевите гостите
Грчката торта е десерт без конкуренција, а зошто – проверете сами
Состојки:
За една кора:
- 4 белки
- 7 лажици шеќер
- 6 лажици мелени ореви
- 6 лажици мелени бисквити
Вкупно ви требаат 3 кори, па оваа постапка повторете ја три пати.
За првиот фил:
- 12 жолчки
- 250 г шеќер
- 5 лажици брашно
- 750-800 мл млеко
За вториот завршен фил:
- претходно приготвениот фил
- 250 г путер
- 150 г шеќер
- 100 г бело чоколадо
- 100 г црно чоколадо
- 150 г сечкани ореви
- 150 г мелени бисквити
Приготвување:
Вклучете ја рерната на 170 степени Целзиусови да се загрее. Одвојте ги белките од жолчките. Белките изматете ги пенесто со шеќер. Во изматениот снег додајте 7 лажици мелени бисквити и 7 лажици мелени ореви.
Префрлете ја смесата во плех и ставете ја да се пече. Испечената кора тргнете ја на страна. Така пригответе уште две кори. Вкупно треба да имате 3 кори за тортата.
Пригответе го првиот фил, така што ќе ги изматите жолчките со шеќер, а потоа ќе додадете и брашно. Во загреано, зовриено млеко, додајте ги изматените жолчки и варете ги како пудинг.
Додека жолтиот фил се лади, изматете маргарин, па во него додајте шеќер и првиот фил. Во така соединетиот фил, додајте мелени бисквити, ореви и црно и бело чоколадо.
Филувајте ја тортата со добиениот фил. Премачкајте ја со преостанатиот фил и декорирајте ја по желба.
Коментарите се заклучени.