Погледнете колку пари заработува годишно Мараја Кери од песната „All I Want For Christmas Is You“!
Пејачката за 33 години кариера има заработено повеќе од 500 милиони долари!
Една од најдобрите вокали во светот – познатата пејачка Мараја Кери се уште многу заработува од нејзиниот планетарен хит „All I Want For Christmas Is You“ .
Според податоците на „Business Insider“, Мараја досега заработила вкупно 60 милиони, а секоја божиќна сезона ѝ носи дополнителни милион долари.
Поврзани објави
Кери беше коавторка и копродуцент на песната со Волтер Афансиев за својот четврти студиски албум и прв празничен албум „Merry Christmas“. Дуото ја напишало песната за само 15 минути, а била објавена во 1994 година.
Според Celebrity Net Worth песната секоја година заработува меѓу 600.000 и милион долари.
Ова е најпродаван божиќен сингл на една пејачка и една од најпродаваните песни во историјата на музиката со вкупна проценка на продадени 16 милиони примероци.
Инаку оваа позната пејачка заработи вкупно 520 милиони долари во текот на нејзината 33-годишна кариера.