„Знам дека му пукнал филмот кога ќе ме викне Фахрета“: Лепа Брена открива како живее со Боба зад затворени порти

Едни од ретките чиј брак преживеа, иако и двајцата се познати личности, се Лепа Брена и Слободан Боба Живојиновиќ.

Тандем како Боба и јас навистина го заслужува тој епитет. Работев многу, мислам дека нема пејач во земјава што успеал да одржи толку концерти од 1982 до 1992 година. Работев многу, но работев и на себе. Научив како да не дозволам работата да биде деструктивна за мене. Мора да бидете посветени, но повторно да се погрижите да не го изгубите идентитетот. Ако имате семејство, таа рамнотежа е најтешката работа затоа што кариерата ве презема. Иако ги обиколив Америка, Канада и Австралија, сфатив дека не треба да бидам светска пејачка. Доволно ми е што морам да направам баланс меѓу Лепа Брена и Фахрета Јахиќ, односно Живојиновиќ, вели Брена.

Се чувствувам светски затоа што можам да одам каде било во светот без ничија дозвола и не ми е забрането никаде да работам и уживам. Важно е да имате и партнер во сето ова. И самите знаете колку луѓе има денес на планетава и без разлика дали се држат за раце, ја сликаат на Инстаграм нејзината глава на неговото рамо и се смешкаат, енергијата меѓу нив покажува дали се сакаат и почитуваат. Јас и Боба сме компатибилни без разлика што не се држиме за рака и не се бакнуваме јавно.

И денес очите ѝ блескаат кога се сеќава на првиот пат кога го видела Живојиновиќ.

Случајно го видов Боба на насловната страница на ТВ-додатокот, ми беше слободен ден и можев да го прелистам весникот, што не беше чест случај бидејќи имав по два концерти на ден. Мојот пријател ми рече дека тој е нашиот најдобар спортист, а јас му возвраќам: „Ау, што е сладок, многу би сакала да го запознаам“, па претпоставувам дека вселената ме слушна, така што внимавајте што изговарате, смеејќи се раскаќува популарната пејачка.

На премиерата во Домот на синдикатите зад сцената бевме Бата Живојиновиќ и јас, и ми рече: „Зошто стоиш овде, оди таму, дојде Боба Живојиновиќ“. Го препознав од насловната страница и велам ако е тој, одам. И јас се пробивам низ толпата за да стигнам до него, тој стои во беж мантил потпрен на вратата и му велам: „Добро, каде си досега?“ Тој се насмевна и рече: „Па, јас сум тука“. Се договоривме да се видиме без никакви претенциозни очекувања, но беше сладок и веднаш ми се допадна. Приказните што ги слушнав за него беа во спротивност со она што го мислев за него, но ѝ верував на мојата интуиција. Ми велеа: „Тој патува низ светот и менува светски риби!“ Тоа не ме интересираше, решив да се дружам и да видам дали треба да се плашам од него. Навистина, прерасна во некоја прекрасна љубов и никогаш не зажалив за тоа. Имаме многу добра енергија, можеби не сме многу заедно, но добро сме заедно. Ми се допадна живоста на Боба и за секој проблем што го имав ми отвораше врати и ми даваше сила да продолжам понатаму. Сакав да имам силен маж покрај мене за да плачам, да барам совет, да ме теши и да ме гушне и каже: се’ ќе биде добро, ќе го решиме, не грижи се“, вели Брена, која живее во куќа во која се сите мажи, Боба и синовите.

Се обидов да балансирам во куќата полна со тестостерон. Штом не ме вика Беки туку Фахрета, тогаш знам до каде ни е работата, низ смеа вели пејачката и додава:

Тогаш јас малку се лутам, нели, но секогаш бев стабилна, мајка ми ми го формираше тој карактер и често се сеќавам на сите совети што ми ги даваше, иако порано не ми беше пријатно да слушам што ми зборува.