Видеото на кое славниот Том Хенкс држи говор за време на неодамнешната промоција на филмот „Елвис“ во Австралија ги вознемири неговите многубројни обожаватели. Причината е треперењето на неговата рака, кое актерот се обиде да го контролира.
Нема подобро место за снимање филм од овој на Голд Коуст“, рече Хенкс, кој го игра менаџерот на славниот пејач во биографскиот мјузикл „Елвис“, пренесува „Дејли мејл“.
За време на говорот, актерот со десната рака го држел микрофонот, кој во еден момент почнал да трепери, што Том се обидел да го спречи. Обидувајќи се да го одржи говорот докрај, оскаровецот продолжи да го фали овој посебен дел од Австралија, нагласувајќи го името на Ден Марфи, сопственик на локален синџир продавници за пијалаци. Шармантен и на својот добро познат начин, Хенкс и овојпат владееше со сцената, но тоа не ги спречи фановите најдобронамерно да се запрашаат – што се случува со нивниот омилен актер.