Јаде бурек, но ова никако не смее да го консумира: Јелена Розга открива како ја одржува фигурата и од што се откажала заради убавината

Хрватската пејачка Јелена Розга од неодамна го прослави 45. роденден, а со оглед на тоа што важи за една од најнегуваните жени на овие простори, многу мислат дека е 10 години помлада. Пејачката ги откри своите мали тајни, за што е заслужен нејзиниот младолик изглед.

„Многу спијам, никогаш не консумирам алкохол. Јас не знам каков е вкусот на виното и останатите произвои. Генерално пијам само вода, пред неколку години ги исфрлив газираните сокови, првенствено поради срцето и штитните жлезди. Одам на масажи, опуштени терапии и малку се шминкам“, вели Јелена.

Беспрекорниот, порцелански тен стана нејзин заштитен знак, а сокривањето од сонцето е уште еден доказ колку прекумерното сончање влијае на квалитетот на кожата.

„На сонце не излегувам, порано ме гледаа како бев толку бела, а од Сплит сум, но навикнаа дека тоа сум јас“, истакнува пејачката.

Розга е позната по фит фигурата за која сепак не се задолжени напорните тренинзи.

„Не тренирам, но многу сум активна и енергична, тоа многу ме троши. Веројатно е поради генетиката и класичниот балет со кој се занимавав пред да почнам да пејам во групата „Магазин“, па можам на себе да си дозволам бурек после некоја свирка, да испијам јогурт и да легнам да спијам“, рече Јелена за ТВ Прва.

Сплитстката пејачка има 57 килограми, а како што изјави во една прилика, поради проблемите со штитната жлезда не може да се здебели.

Јелена во 2006 година и е откриена хипертиреоза, а пред четири години и тахикардија. Пејачката тврди дека поради својата здравствена состојба веќе со години има иста тежина.

„Мојот проблем со штитната жлезда не ми дава да се здебелам ни пола килограм, но има нешто и до генетиката и до тоа што живеам покрај море. Штитната жлезда понекогаш умее баш да ме зафркне, но генерално добро се чувствувам. Не се давам јас, само насмевка на лицето и позитива“, истакнува Розга.

Сепак, не крие дека е голем гурман и дека мора да води сметка што јаде.

„Внимавам што јадам, иако сум голем гурман. Се трудам храната која ја внесувам да биде лесна и здрава. Јадам повеќе пати дневно, но и во мали количини, затоа што тоа одговара на мојот организам. Некогаш си дозволувам да се опуштам. Сакам медитеранска храна, лесна исхрана, која содржи многу овошје, зеленчук и риба. Во зима сакам да јадам нешто печено“, објаснува Розга.