Според статистиките, секоја година кај третина од популацијата постара од 65 години се случуваат падови. А повеќе од половина од тие луѓе не паѓаат само еднаш, при што околу 10–15% од случаите добиваат сериозни повреди. Причина за тоа е губењето рамнотежа
Најчесто падовите се случуваат поради вртоглавица настаната поради повреда на внатрешното уво (еден од главните органи што е одговорен за рамнотежа).
Причини – непрележано воспаление на внатрешното уво, атеросклероза, тромбоза, спазам на крвните садови на главата и на вратот, проблеми со вестибуларниот апарат (сетилото за рамнотежа), повреди на увото и на главата, акутен лабирантитис (воспаление на уво), мултипла склероза, тумори на мозокот.
Жените двапати почесто страдаат од вртоглавица, а ризикот од скршеница при пад кај нив е поголем поради остеопорозата. Плус, кај сите со текот на годините мускулите се помалку еластични и јаки, а зглобовите често се заболени.
За да се заштитите од паѓања и повреди, за почеток посетете оториноларинголог и невролог. Доколку нема сериозни патологии, за нормализација на механиката на внатрешното уво и воспоставување контрола над рамнотежата задолжително правете вежби.
Вежби за секој ден
Кога ќе се разбудите, седнете на креветот, исправете го ’рбетот и гледајте право – почетна положба.
Потоа полека легнете на левиот колк и свртете ја главата кон горе под агол од 45 степени (за да постигнете правилен агол, замислете дека пред вас на метар и половина стои човек и дека го гледате в лице).
Останете во таа положба 30 секунди, или додека престане вртоглавицата. Вратете се во почетната положба. Направете исто и на другата страна.
Повторувајте ја вежбата пет пати прекуден и навечер две недели, или додека престанат вртоглавиците.
За тренирање баланс, корисни се и обични чучнувања – подигнувајте се на прстите по 10–15 пати на ден. Но не кога ви се врти во главата, туку кога се чувствувате добро.
Исто така, пробајте и да стоите на една нога.
Текст: „Руски доктор“
Фото: Getty Images