Прекрасната Мариса Томеи и во 58-тата година изгледа еднакво атрактивно, а открила и како ја одржува линијата
Американската актерка Мариса Томеи (57) е една од најпознатите актерки во Холивуд, која во 1990-тите години жареше и палеше, а и денес се смета за икона.
Освен со актерскиот талент, привлекува внимание и со својот атрактивен изглед. Таа сè уште изгледа фантастично и во шестата деценија, а доказ за тоа се фотографиите и видеата што ги објавува на Инстаграм.
View this post on Instagram
Мариса во интервју за „Вог“ пред неколку години рекла дека генерално се обидува да јаде локално произведена, сезонска и органска храна.
Исто така, открила дека за појадок обично јаде варено јајце со малку маслиново масло или свежо зрнесто овошје со житарки и јогурт.
Поврзани објави
При рака секогаш има грицки со висока количина на протеини.
Мариса верува дека нејзината убавина доаѓа однатре.
„Мислам дека поважно е да се внимава на тоа што внесувате во своето тело отколку тоа што го правите во врска со надворешниот изглед. Тоа што го јадам и начинот на кој се поврзувам со храната влијае и врз мојот надворешен изглед. Медитацијата во движење, како што е танцувачката медитација прави да се чувствувам добро во своја кожа, ми помага на спиритуално, психичко и физичко ниво“, раскажала таа за „Вог“.
Додала и дека ужива во инфрацрвена сауна.
„Ме загрева однатре и однадвор, имам повеќе енергија и се чувствувам лесно. Така моето тело се ослободува од сите отрови, особено ако сум морала да земам лекови или сум консумирала повеќе храна.“